Nasapwan nga wala na sang kabuhi ang isa ka babaye nga nakagapos sa kwarto sang hotel sa Sta. Mesa, Manila.
Antes nasapwan, nakit-an sang hotel supervisor kag roomboy nga may upod nga lalaki kag babaye ang biktima sang nagcheck-in.
Pagkasunod nga adlaw, nakit-an sa isa ka CCTV footage nga naggwa sa hotel ang isa ka babaye nga nagasuksok sang face mask kag may dala nga helmet.
Wala naman nakit-an sa CCTV ang lalaki kag ginpatihan nga naglabay sa lain nga direksyon.
Ang duwa ang ginakabig subong nga nagapanguna nga suspek sa likod sang pagpatay sa babaye.
