Nag-abot na sa Pilipinas si President Ferdinand Marcos Jr. matapos ang iya “very productive” participation sa 2025 APEC Summit nga ginhiwat sa South Korea.
Naghugpa ang PR 001 aircraft nga ginsakyan ni Marcos upod ang iya bug-os nga delegasyon sa Villamor Air Base sa Pasay City pasado alas 2:22 sang hapon, Nobyembre 2,
Sa iya arrival message, ginpahayag sang Presidente nga nangin mabinungahon ang iya pagtambong sa nasambit nga pagtililipon, kUn sa diin nakaupod siya sa iban pa nga mga economic leaders sa serye sang mga meeting nga nagtutok sa mga pagpanghangkat kag oportunidad sa Asia-Pacific region.
Ginsiling man ni Marcos nga naghimo siya sang mga bilateral meetings upod kanday Republic of Korea President Lee Jae Myung kag Chilean President Gabriel Boric.
Nakigkita man ang Presidente sa top executives sang mga nagapanguna nga Korean conglomerates agud paga-istoryahan ang mga posible nga oportunidad sa negosyo sa Pilipinas.
