Ginpanas sang Portland Trail Blazers ang 22-point deficit kag ginpatilaw sa defending NBA champions nga Oklahoma City Thunder ang ila una nga kalutusan subong nga season.
Nanguna sa 121-119 nga kadalag-an sang Blazers si Deni Avdija nga may 26 points, 10 rebounds kag nine assists.
Magluwas sa 22 nga lalagson sa imbukada nga quarter, wala gid naka-abanse ang Portland sa Thunder tubtub nga masulusobra na lang sa singko minutos ang nabilin sa final quarter.
May 22 points naman si Jrue Holiday kag 20 points si Jerami Grant nga nagdugang sang puntos sang Portland.
35 puntos naman kag siyam ka rebounds ang nahimo sang reigning MVP nga si Shai Gilgeous-Alexander para sa Oklahoma City.
Antes sini nga game, nadag-an sang Thunder ang walo ka una nga hampang kag isahahon nga team nga wala sang pierde subong nga season.
Sa pihak nga bahin, ini naman ang pang-81 nga sunod-sunod nga hampang nga masobra sa 20 ang puntos ni Gilgeous-Alexander nga amo ang third-longest streak sa maragtas sang NBA.
