Gin-ambush sang wala pa nakilala nga indibidwal ang 11 ka myembro sang isa ka pamilya sa San Pablo City, Laguna.
Base sa imbestigasyon, sakay sa multi-purpose vehicle ang mga biktima sang ginpaulanan sila sang bala.
Maswerte nga wala sang may naigo sang bala sa mga sakay nga sanday Homaima Bacarat, 42, nga amo ang driver, kaupod ang iya utod, tiya, apat ka bata nga nagaedad 10, 9,7, 3 kag apat pa ka mga babaye.
Sakay sa motorsiklo ang lalaki nga nangluthang.
Nakilala naman sang mga biktima ang gunman paagi sa nawong sini apang wala pa matumod ang pangalan sini.
Padayon pa ang imbestigasyon agud mahibaluan ang motibo sa ambush.
