Tuman ang kaakig sang mga ginikanan sang duha ka lapsag nga kapid nga nagaedad sang anom ka bulan matapos ginsulod sang yaya sa refrigerator kag drawer sa Taytay, Rizal.
Sa isa ka video, ginpakita sang yaya ang pagkakibot sini sang may nakita siya nga lapsag sa ref kag may isa pa gid ka lapsag sa drawer.
Sang ulihi, gin-ako niya nga for content lang ini sa iya social media account.
Apang wala ini nauyunan sang ginikanan.
Apisar nagpangayo sang pasaylo ang yaya, desidido gihapon ang ginikanan nga magpasaka sang kaso.
