Ginbawi na ang wind signal sa tanan nga lugar sa Western Visayas samtang nga nagahulag si Bagyo Verbena padulong sa West Philippine Sea.
Base sa alas singko sa kaagahon nga weather bulletin sang PAGASA, ulihi nakit-an ang sentro sang bagyo sa kalayuon nga 130 km nakatundan sang Coron, Palawan.
Dala sini ang kabaskugon sang hangin nga 85 km/h malapit sa sentro kag pagmadlos nga tubtub sa 105 km/h.
Ang Calamian Islands kag extreme northern portion sang mainland Palawan ang nabatak sa signal number 2. Signal No. 1 naman sa Occidental Mindoro kag sa northern kag sa central portions of Palawan.
Padayon nga magahulag pa-West Philippine Sea ang Bagyo Verbena kag magaagi man sa Kalayaan Islands karon sa hapon ukon sa gab-i.
Antes ini nga mga development, pito ka beses nga nag-landfall ang bagyo lakip na sa Linapacan, Palawan; Bayabas, Surigao del Sur; Jagna, Bohol; Talisay City, Cebu; Vallehermoso, Negros Oriental; San Lorenzo, Guimaras; kag Miagao, Iloilo.
Magaguwa ini sa Philippine Area of Responsibility (PAR) buwas sa aga.
