Liwat nga maga-request sang interim release ang kampo ni former President Rodrigo Duterte.
Ini ang ginpahayag sang lead counsel sang anay presidente nga si Atty. Nicholas Kaufman, kasunod sang pagbasura sang International Criminal Court (ICC) Appeals Chamber sa ila una nga request para sa interim release.
Suno kay Kaufman, magahulat anay sila sang resulta sang medical evaluation ni Duterte nga iga-release sa masunod nga bulan.
Pahayag pa niya, indi makasarang magpalagyo ang isa ka 80-anyos nga tawo nga mahina na ang kondisyon sang lawas kag may yara pa sang cognitive issues.
Dugang pa ni Kaufman, indi man makabig si Duterte nga pamahog sa mga testigo.
Gin-emphasize pa sang abogado nga wala pa sang tinion nga nag-affirm ang ICC chamber sang interim release para sa isa ka akusado nga ginapasakaan sang kaso nga crimes against humanity.
Matandaan nga ginpahayag ni ICC Assistant to Counsel Atty. Kristina Conti nga indi na maka-apelar ang kampo ni Duterte sa rejection, apang mahimo sila nga mag-file sang bago nga request base sa lain naman nga ground.
Samtang, ginarespeto naman sang Palasyo sang Malacañang ang nangin desisyon sang ICC sa pagbasura sang interim release ni Duterte.
Suno kay Palace Press Officer USec. Claire Castro nga nag desisyon na ang ICC kag pabay-an nalang ang lakat sang kaso.
