Nagturn-over liwat ang Philippine National Police–Criminal Investigation and Detection Group (PNP-CIDG) sang bag-o nga batch sang mga dokumento may kaangtanan sa mga flood control projects.
Ini angot man sa gina-imbestigarab sang Independent Commission for Infrastructure (ICI) bangud sa possible nga anomalya.
Matandaan nga sang nagligad nga bulan, 95 ka mga kahon sang ebidensya nga may unod sang 28 ka ginapahayag ng ghost ukon peke nga flood control projects ang nauna na nga ginsumiter sang pulisya sa komisyon.
Suno kay ICI spokesperson Brian Hosaka, gamiton ang mga dokumento para sa case build-up samtang nagapadayon ang may lapnagon nga imbestigasyon.
Ginsiling man ni Hosaka nga kabug-usan 421 ang ginalantaw nga ghost projects sa subong sang ICI.
Magluwas diri, nakatutok man ang mga imbestigador sa top 15 contractors nga una na nga gin-report nga na-flag ni Presidente Ferdinand Marcos Jr. bilang possible nga may kahilabtanan sa mga iregularidad.
