Mag-asawa nga Marcos, proud kay Sandro sa iya pag-atubang sa ICI —Malacañang

“Proud” si President Ferdinand Marcos, Jr. kag si First Lady Liza Marcos sa ila subang nga bata nga si House Majority Leader Sandro Marcos sa iya boluntaryo nga pagkadto kag pag-atubang sa Independent Commission for Infrastructure (ICI) kasunod sang ginaalegar nga involvement sini sa budget insertions.

Kahapon sang nag-abot si Sandro sa ICI headquarters, apang gin-utod man ang livestreaming bangud naghingyo ang iya abogado sang executive session bangud sa “kritikal nga mga impormasyon.”

Kasunod sang session, ginsiling sang presidential son sa atubang sang reporters nga nakadepende na sa panel kun luyag nila nga isapubliko ang recording sang iya pag-atubang sa komisyon.

“Doon pa lang po bilang magulang ay proud sila sa kanilang anak,” suno kay Palace Press Officer Usec. Claire Castro.

“Bilang magulang makikita natin kung papaano ba pinalaki ng mga magulang ang isang anak: disente, hindi takot, matapang na humarap sa imbestigasyon, hindi nagtago, nagboluntaryo pa, kinilala ang ICI — hindi tulad ng iba,” suno sa iya.

Wala ini sang ginmensyonar nga pangalan apang kahapon, nagpadala sang sulat si Davao Rep. Paolo Duterte sa ICI nga indi siya mag-atubang sa panel. Pahayag sang kongresista nga Duterte, wala sang hurisdiksyon ang ICI sa iya, kag ini nga komisyon suno sa iya ang ginagamit lang ni Marcos para sa political propaganda.

Sa kaangay nga press briefing subong nga aga, naghatag man sang reaksyon ni Castro sa pagpamalibad ni Duterte nga mag-atubang sa imbestigasyon.

“May kasabihan tayo: ‘Buntot niya, hila niya.’ It means, you are responsible for the consequences of your own acts,” suno sa Palace official. “Marami na pong mga mambabatas na gumalang sa pagpapatawag ng ICI, nagbigay ng kanilang mga response, ng kanilang mga nalalaman. “Kung walang itinatago, hindi dapat magtago.”

Nahibaluan nga nag-atubang si Sandro sa ICI matapos ginlawag siya ni resigned Ako Bicol Representative Zaldy Co nga nag-insert sang at least P50 billion nga balor sang public works projects sa national budget sang 2023, 2024, kag 2025.

Una naman nga gin-deny sang presidential son ang amo nga alegasyon.

Sa iya pagsumite sang iya kaugalingon sa panel subong nga hapon, ginklaro sini nga boluntaryo ang iya pagkadto, wala siya gin-subpoena, indi siya subject sang imbestigasyon, kag nagkadto lamang siya agud makabulig sa imbestigasyon.#