Nakatalana nga iga-deploy sang Philippine National Police (PNP) ang kabug-usan nga 70,000 ka mga kapulisan sa pag-umpisa sang Simbang Gabi buwas nga adlaw Disyembre 16 tubtob Disyembre 24.
Ang mga kapulisan magatutok sa mga simbahan kag sa mga lugar nga madamo ang tawo agud masiguro ang seguridad kag kaluwasan sang publiko.
Suno kay Acting PNP Chief PLtGen. Jose Melencio Nartatez Jr., ila man pabaskugon ang pag-patrolya, pagpatigayon sang checkpoints, kag mobile units sa mga palibot sang mga simbahan.
Ginpabakod man sang PNP ang koordinasyon sa Local Government Units (LGU), opisyal sang barangay, kag simbahan para sa maayo nga crowd management kag madasig nga pagresponde sa tion sang emerhensya.
Ginapasiguro man sang PNP sa publiko nga handa sila maghatag sang seguridad para sa maayo kag makahulugan nga selebrasyon sang Paskwa.
