Patay ang isa ka backrider matapos nga nahulog sa motorsiklo nga ginlasak sang nagasunod nga 10-wheeler truck.
Natabo ini sa Cagayan Valley Road, Brgy.Sapang Putol, San Ildefonso, Bulacan.
Ang biktima amo si alyas “Darwin” kag residente sang Pinyahan, Quezon City.
Base sa imbestigasyon, naglikaw sa gubaon nga porsyon sang karsada ang rider apang hinali lang nag-overtake ang isa pa gid ka motorsiklo kag nagbunggo gid sa motor nga ginaangkasan sang biktima.
Sang nahulog ang backrider, natabuan man nga may nagapadulong nga 10-wheeler truck kag nabungguan ang biktima.
Gindala pa ini sa ospital apang gindeklarar ini nga dead-on-arrival.
