Nag-report si Palace Press Officer Undersecretary Claire Castro sa National Bureau of Investigation (NBI) kaangot sa ginaalegar sini nga pamahog sa iya kabuhi.
Gintumod ni Castro ang post sang Facebook page nga “Luminous by Trixie Cruz-Angeles and Amet Paglinawan” sadtong Enero 2.
Ang porsyon sang amo nga post nagasiling nga kun idagdag si Castro sang iya nga mga kaalyado, appendix kag coccyx na lang niya ang wala sang lagob.
“I really have to report this matter because if something happens to me, at least naka-report po ‘yung mga taong nagpapalutang ng ganitong klaseng grave threats,” suno sa Palace official.
Ginpahayag man sini nga paminsaran niya anay kun mapasaka siya sang kaso. Gin-ako niya nga nakulbaan siya, bangud wala siya naanad nga makabaton sang kaangay sini nga pamahog.
“Hindi kinakailangan na kung ikaw man ay nag-ooppose sa sinabi ng isang tao, ikaw ay magbabanta na sa buhay niya. Hindi po nadadaan ang anumang diskurso sa pagbabanta sa buhay, ‘yung pagiging bayolente. ‘Wag nilang gayahin ang mga idolo nila,” pahayag pa sini.
Gilayon naman nagsabat sanday Cruz-Angeles kag si Paglinawan nga ang pag-report ni Castro sa NBI ang nagapakita lang sang iya tuyo nga pahipuson ang mga tawo nga nagagamit lang sang ila nga kahilwayan sa paghambal.
Suno sa duha ka abogado, kadamo man sang iban nga posts kaangot kay Castro, apang wala man ini sang bisan isa nga may gin-report sang una sa NBI.
“By making this report and publicizing it to the full extent that the resources of PCO can, she intends an unmistakable chilling effect on others who post their opinions and criticism of public officials in the exercise of their official functions on social media,” kabahin sang statement sang duha ka abogado.
Si Cruz-Angeles ang kabahin anay sang Presidential Communications Operations Office sang Duterte administration, kag nangin Press Secretary man sang Marcos administration apang nag-resign matapos ang halos apat ka bulan nga serbisyo.#
