Gin-athag ni Philippine Ambassador to the U.S. Babe Romualdez nga wala nagapanago si anay Department of Public Works and Highways (DPWH) Secretary Manny Bonoan.
Suno kay Romualdez, naghingyo lang sang isa ka bulan nga extension si Bonoan antes magbalik sa pungsod.
Pahayag ni Romualdez, nakasugilanon niya si Bonoan sa telepono kag ginpaathag sang anay tiglikom nga na-reschedule ang operasyon sang iya nga asawa gani magatinir anay siya sa California.
Sa Pebrero 15 natalana nga magbalik si Bonoan sa Pilipinas matapos ang amo nga operasyon.
Gin-engganyo man siya ni Amb. Romualdez nga atubangon ang mga isyu nga ginapangatubang sa Pilipinas.
