Nag-angkon sang bali sa hita kag iban nga parte sang lawas ang isa ka lalaki matapos nahulog gikan sa ikalima nga panalgan sang hotel sa Baguio City.
Ang biktima isa ka 31-anyos nga OFW.
Base sa imbestigasyon, nakita ang biktima nga nagalakat sa balcony sang Hotel Veniz sa Abanao Street kag nagsaka pa gid ini sa balcony railing sang hotel.
Didto na kag nakadanlog ini apang nakapanghawid pa sa kabilya tubtob nga nahulog ini kag nagtupa sa atop sang taxi.
Gilayon naman nga gindala ini sa Baguio General Hospital and Medical Center kag ginsulod sa Intensive Care Unit (ICU).
