Indi magnubo sa 40 ka tawo ang patay kag masobra 120 ang pilason sang nadiskaril ang isa ka high-speed train kag nagbunggo sa isa pa ka tren malapit sa Adamuz, Cordoba, Spain.
Padayon pa ang pagtinguha nga marekober ang iban nga lawas gani posible madugangan pa ang numero sang mga napatay.
Natabo ang aksidente sang madiskaril ang ulihi nga porsyon sang tren nga may akay nga 300 nga pasahero kag may ruta nga halin sa Malaga padulong sa Madrid.
Nagbunggo ini sa nagapadulong man nga tren nga halin sa Madrid padulong sa Huelva nga isa ka syudad sa southern part sang Spain.
Ang unahan sang ikaduha nga tren nga may sakay nga halos 200 pasahero ang nagsalo sang tuman ka baskog nga impact sa bungguanay.
Nagtabog pa ang duha ka bagon sini halin sa riles.
Ginpahayag sang otoridad nga sa masobra 100 nga pilason, may yara sa ila ang kritikal ang kondisyon.
Ginahibalo pa ang rason sang aksidente.
