Ginpaidalom na sa state of emergency ang Chile matapos ang lapnagon nga wildfire nga nagpatay sa indi magnubo sa 19 katao sa southern part sang pungsod.
Suno sa mga otoridad, kapin 50,000 ka tawo ang nag-evacuate partikular sa mga rehiyon sang Ñuble kag Biobío.
Labi nga naglala ang sitwasyon bangud sa mabaskog nga hangin kag tuman ng kainit sang panahon nga rason sang madasig nga paglapta sang kalayo.
Padayon ang pagtinguha sang gobyerno kag rescue teams nga makontrol ang kalayo.
