Apat ka pasahero sang jeep ang patay samtang walo ang pilason matapos mabungguan ang ila nga salakyan sang isa ka dump truck sa Luna, Isabela.
Magluwas sa mga napatay, walo ang nag-angkon sang malala nga pilas kag gindala sa ospital sa Cauayan City.
Base sa imbestigasyon, padulong ang jeep sa Cauayan City kag kasunod sini ang motorsiklo samtang pakadto sa Cabatuan ang dump truck.
Nagpreno ang dump truck kag bangud madanlog ang dalan, nagkadto ini sa pihak nga linya kag nabungguan ang jeep nga nag-igo naman sa motor.
Yara na sa kustodiya sang Luna PS ang driver sang dump truck samtang ginahanda ang mga kaso nga Reckless Imprudence Resulting in Multiple Homicide, Multiple Physical Injuries, kag Damage to Properties nga ipasaka batok sa iya.
