Patay ang isa ka barangay kagawad matapos matiruhan sa Murcia, Negros Occidental.
Ang biktima amo si Joe Arnel Gawan, 59 anyos, kag kagawad sang Barangay Sta. Rosa sa amo nga banwa.
Natabo ang insidente sa Purok Puncian, Barangay Sta. Rosa.
Sang amo nga tion, nakapanaog lamang ang biktima sa isa ka salakyan sang gintiro ini sang wala makilala nga mga suspek kag naigo gid sa ulo.
Gindala pa ini sa ospital apang gindeklarar nga dead on arrival.
Padayon pa nga ginatinguhaan nga matumod ang suspek nga nalagyo matapos ang krimen.
