Natiruhan ang isa ka pasahero nga lalaki sa Iloilo International Airport matapos ini nga nangtaya sang dala nga kutsilyo kag nagbato pa sa mga kapulisan.
Ini amo si Roland Lañojan, 54 anyos, security guard, kag residente sang Tayong, Sagay, Camiguin.
Sa initial nga impormasyon, nangin irritable ang nasambit nga indibidwal matapos ini nga makita-an sang nasambit nga kutsilyo.
Gintaya sang lalaki ang iya sundang sa mga kapulisan rason nga napilitan nga magpalupok ang Airport Police.
Na-igo ini sa wala niya nga abaga nga gilayon man gindala sa ospital.
Gindala ini sa pinakamalapit nga ospital agud mahatagan sang nagakaigo nga pagbulong.
Nahibaluan nga wala sang initial screening sa entrada sang airport rason nga nadala sini sa ikaduha nga panalgan sang establisyamento ang iya nga kutsilyo nga may kalaba-on nga 12 ka pulgada.
Gilayon naman nga nagbalik sa normal ang operasyon sa Iloilo International Airpot matapos ang nasambit nga shooting incident.
