Isa ka nurse nga bag-o lang nakapasar sa board exam ang nalakip sa duha nga napatay sa pagpang-ambush sang riding-in-tandem sa General Santos City.
Ang mga napatay amo ang nurse nga si Nhiezer Rolliene Jane Aguacito kag ang tricycle driver nga si Ivan Conde, 33-anyos, kag amo ang target sa ambush.
Suno sa General Santos City Police Station, nagasubay ang tricycle sa Brgy. City Heights sang ginsundan kag ginbanggaan sang mga armado nga lalaki kag ginpaarakan luthang.
Naigo naman sang bala ang nurse nga nagalakat lang sa lugar kag pauli na kuntani halin sa grocery store.
Dead on the spot si Conde samtang sa ospital naman ginbawian sang kabuhi si Aquacito.
Naggwa sa imbestigasyon nga bag-o lang nakagwa sa presohan si Conde matapos nakapiyansa sa sampaw-sampaw nga panumbungon.
Padayon pa nga ginapangita ang mga suspek.
