[Trigger Warning: This content contains references to sexual abuse involving a minor.]
Arestado ang isa ka 67-anyos nga lolo matapos ginreklamo sang 105 ka beses nga paghimulos sa iya apo sang lima ka tuig pa lang ini.
Ang biktima nagaedad na subong sang 12-anyos.
Ang suspek ginakabig nga No. 3 most wanted person (MWP) sa Cagayan Valley kag gindakop paagi sa gahom sang warrant of arrest bangud sa kaso nga 105 counts sang rape, 105 counts sang sexual assault kag tatlo ka counts sang acts of lasciviousness.
Suno sa biktima, masami siya nga ginahimuslan sang iya lolo sang 2020.
Wala naman nanugid ang bata sa iya lola kag ginikanan bangud ginapahog siya sang suspek.
Bulagay ang ginikanan sang bata kag may tagsa na ka pamilya gani sa lolo niya siya nagtinir.
Sang natubuan sang buot ang biktima, didto na ini nangisog nga manugid sa iya iloy nga gilayon man nga nangayo sang bulig sa kapulisan kag nagresulta sa pagkadakop sa tigulang.
