Ginkumpirma sang Misamis Occidental Police Provincial Office ang natabo nga trahedya subong nga Byernes, Pebrero 13, nga ginkamatay sang apat ka mga kapulisan.
Base sa imbestigasyon, nadulaan sang preno ang ila ginasakyan nga patrol car rason nga nahulog sa banglid sa Napangan, Donvic sa amo nga probinsya.
Lunsay halin sa 2nd Provincial Mobile Force Company (PMFC) sa Misamis ang mga biktima nga ginbawian sang kabuhi.
Magluwas sa ila, tatlo ka iban pa nga kaupdanan nila ang padayon nga ginabulong sa ospital.
“Taos-puso po kaming nakikiramay at nakikidalamhati sa naiwang pamilya, mga mahal sa buhay at mga kasamahan sa hanay ng kapulisan. Ang kanilang tapat na paglilingkod, tapang at sakripisyo para sa bayan ay mananatiling alaala at inspirasyon sa aming lahat. Sa gitna ng matinding kalungkutan, kami ay patuloy na nananalangin para sa lakas, kaaliwan at kapayapaan ng puso sa bawat pamilya,” kabahin sang statement sang Misamis Occidental Police Provincial Office.#
Photo: Kung Taga-Oroquieta City Ka/FB
