“Nothing” ang sabat ni President Ferdinand “Bongbong” Marcos, Jr. sang ginpamangkot kun ano ang iya reaksyon sa deklarasyon ni Vice President Sara Duterte nga magapadalagan ini sa pagka-presidente sa 2028 elections.
“That’s her choice,” suno pa kay Marcos sa desisyon sang iya anay running-mate.
Ginpamangkot pa gid si Marcos sa iya mahambal bangud sa ginapalutaw subong nga espekulasyon nga maga-upod ang iya utod nga si Senator Imee Marcos kay Sara Duterte.
“Again, again, this is all politics,” suno sa presidente kag nagpamalibad na sa pagsabat. Pahayag sini, ang iya lamang nga katuyuan sa pagbisita sa Naga amo nga mangita sang solusyon sa pagbaha sa amo nga syudad.
Nauna naman sini ginsiling nga wala sila sang na-istoryahan ni Mayor Robredo kaangot sa pulitika kag 2028 elections: “Serbisyo muna bago politika.”
“The most political thing that I did today was wear my pink socks in honor of Mayor Leni,” suno pa sa presidente. Pink ang nangin campaign color ni Robredo sang nagpadalagan ini sa 2022 presidential elections kontra kay Marcos.
Nahibaluan nga personal nga ginpangunahan sang presidente ang inspeksyon sa operasyon sang Oplan Kontra Baha nga amo ang flood mitigation initiative sang national government sa Sagop Creek sa Barangay Triangulo. Kaupod ni Marcos nga nag-abot sa Naga si DPWH Secretary Vince Dizon.
![Pinterest](https://pinterest.com/pin/create/button/?url=https://iloilo.bomboradyo.com/thats-her-choice-marcos-sa-deklarasyon-ni-vp-sara-nga-magapadalagan-ini-sa-pagka-presidente/&media=https://img.bomboradyo.com/iloilo/2026/02/marcos-and-sara-1.webp&description="Nothing" ang sabat ni Marcos sang ginpamangkot kun ano ang iya reaksyon sa deklarasyon ni Duterte nga magapadalagan ini sa pagka-presidente){kind=link}