Kumpyansa si Manila 6th district Rep. Bienvenido “Benny” Abante Jr. nga may bastante nga numero ang Kamara kag sarang nga mapasaka sa Senado ng impeachment complaint batok kay Vice President Sara Duterte.
Suno kay Abante, nakahibalo siya nga may yara sang iban nga kongresista nga nagapang-alang-alang na bangud malapit na lang ang eleksyon, apang wala siya ginakulbaan suno sa iya bangud positibo siya nga makalusot ang complaint.
“I have to be very, very honest with this, na merong mga may ibang may reservation sapagkat, you know, 2028, election ‘yan. Pero sa aking papanaw, wala akong anumang kakaba-kaba na papasa ‘yan,” suno kay Abante.
“Out of 311 congressmen, 105 lang ang kailangan, one-third eh to be able to pass it and let it go to the Senate for the impeachment court. So palagay ko makukuha namin ‘yun,” pahayag pa sini.
Si Abante kag si House Deputy Speaker Francisco Paolo Ortega V ang nag-endorso sang ikaapat nga impeachment complaint batok sa vice president sang Pebrero 18.
Gin-file ang amo nga complaint inoras lang matapos gindeklarar ni Duterte ang iya desisyon nga magpadalagan sa pagka-presidente sa 2028.
Kun makalab-ot na ang articles of impeachment sa Senado, nagalaum si Abante nga maapresyar sang mga senador ang facts, ebidensya, kag substance sang impeachment complaint.
Matandaan nga na-impeach anay si Duterte sa Kamara sang Pebrero 5, 2025 matapos nga 215 ka mga kongresista ang nagpirma sa ikaapat man nga complaint batok sa iya. Ginpasaka ang Articles of Impeachment sa Senado sang amo nga adlaw.
Sang Hulyo 25, gin-anunsyo naman sang Korte Suprema nga unconstitutional ang Articles of Impeachment bangud sa paglapas sa one-year bar rule sang 1987 Constitution. Sang Enero sini nga tuig, gin-uphold sang Supreme Court ang ila desisyon kag dalayon nga nagbasura sang motion for reconsideration nga gin-file sang Kamara.#
