Gin-akusahan sang 18 ka mga anay katapo sang Philippine Marines nagbaton sang minilyon nga suhol ang mga imbestigador sang ICC halin kanday anay Senador Antonio Trillanes kag anay Rep. Zaldy Co.
Sa isa ka event sa Club Filipino, ginpakigbahin ni Atty. Levi Baligod ang affidavit sang mga suldado nga nagasiling nga sila mismo ang nagdul-ong sang kwarta kay Trillanes agud gastuhan ang imbestigasyon sang ICC batok kay anay Presidente Rodrigo Duterte.
Suno sa mga suldado, bilang mga executive assistants ni Co, ginmanduan sila nga magbaylo sang duha ka maleta nga nagaunod sang tag-P56 milyon.
Gindugang pa nila nga sang nag-abot ang mga ICC investigators sang Disyembre 2023, si Trillanes ang suno sa ila amo ang nagbayad sang tanan nga hotel accommodation, pagkaon, salakyan, kag iba pa nga gasto.
Nagpamalibad si Baligod nga ihatag ang kopya sang affidavit.
Apang magagwa ini pagkatapos nga mapasaka ang reklamo sa Office of the Ombudsman.
