2 impeachment complaints vs. VP Sara, lunsay “sufficient in substance”

Gindeklarar sang House Justice panel nga lunsay “sufficient in substance” ang 3rd kag 4th impeachment complaints batok kay Vice President Sara Duterte.

54 ka mga mamalidha ang nagboto agud ideklarar nga “sufficient in substance” ang third impeachment complaint nga gin-file sang mga members sang clergy kag mga abogado, kag gin-endorso ni Mamamayang Liberal party-list Rep. Leila de Lima.

Amo man nga numero sang mga mamalidha ang nagboto agud ideklarar nga “sufficient in substance” ang fourth impeachment complaint.

Si Quezon City Rep. Bong Suntay lamang ang nagboto kontra sa fourth impeachment complaint nga gin-file ni Atty. Nathaniel Cabrera kag gin-endorso ni Manila Rep. Bienvenido Abante Jr. kag Deputy Speaker kag La Union Rep. Paolo Ortega V.

Ang ikaapat nga impeachment complaint nagaplastar sang pito ka grounds nga pareho sa impeachment complaint nga gin-file sang 215 lawmakers sang Pebrero 5, 2025:
1.Alleged culpable violation of the constitution, betrayal of public trust, and other high crimes
2.Alleged betrayal of public trust, graft and corruption due to the misuse and malversation of Confidential Funds allocations
3.Alleged graft and corruption, bribery, procurement irregularities, command responsibility due to her disbursement of public funds to unauthorized recipients
4.Alleged bribery, procurement irregularities, and related corruption for bribing DepEd officials
5.Alleged unexplained wealth, SALN violations, bank records and financial forensics
6.Alleged high crimes, pattern of abuse, threats, incitement and interference with civilian supremacy
7.Alleged pattern of abuse and cumulative misconduct doctrine

Sa idalom sang House Rules sang 19th Congress nga gin-adoptar sang 20th Congress, hatagan sang committee si Duterte sang kopya sang complaints kag i-require ini nga mag-file sang sabat sa sulod sang 10 ka calendar days.

Sunod, magapasa man sang reply ang complainants.

Matapos mabaton ang replies, magahiwat ang committee sang hearing kag magapasa sang report sa sulod sang 60 session days.

Kaupod sang report ang formal resolution sa Committee tuhoy sa disposisyon sang complaint nga i-set para sa consideration sang House sa sulod sang ten session days humalin nga nabaton ini.

Ang ano man nga desisyon halin sa committee ang ipaidalom sa plenary consideration kag nagakinahanglan lang sang one-third nominal vote agud aprubahan ang rekomendasyon — i-impeach man ang official ukon i- dismiss ang complaints.

Kun aprubahan ang recommendation to impeach, ang resolution ang igapasa na sa Senado.