Gin-certify na ni President Ferdinand ”Bong-bong” Marcos Jr. ang isa ka layi nga may tinutuyo nga amyendahan ang Biofuels Act of 2006.
Sa isa ka sulat nga ginpadala sa kamara subong nga adlaw, Marso 16, ginpahayag ni Marcos ang urgent certification sa sini nga layi nga may tinutuyo nga mabuhinan ang epekto sang padayon nga pagsaka sang presyo sang krudo.
Ini bangud man sa nagapadayon nga nagalala nga geopolitical tensions sa US-Israel kag Iran.
Ginpahayag pa sang Presidente nga ang layi may tinutuyo nga pabaskugon ang kapasidad sang pungsod nga masarangan sini ang posible nga problema sa suplay sang enerhiya sa palaabuton.
Sa idalum sang Republic Act 9367, nagamandato ini nga gamiton ang locally sourced bioethanol agud mabuhin ang pagsalig sang pungsod sa gina-import nga gasolina kag diesel.
Nauna na nga ginpahayag sang Philippine Biodiesel Association nga ang ini nga layi gihapon ang pinakamasaligan nga depensa sang pungsod batok sa pagsalig sa imported nga petrolyo.
