Nagpabutyag sang pagkadismaya ang pila ka mga progresibo nga grupo sa resulta sang imbestigasyon sang Independent Commission for Infrastructure sa isyu sang korapsyon sa flood control projects.
Kadungan sang pagtakop sa operasyon sang amo nga komisyon, nakulangan ang mga grupo sa pagpasabat sa tanan nga involved sa korapsyon.
Suno kay Teddy Casiño, Chairperson sang Bagong Alyansang Makabayan, indi sila kuntento sa imbestigasyon sang Independent Commission for Infratructure, Office of the Ombudsman kag Senado.
Ila nga ginreklamo partikular sanday former Undersecretary Adrian Bersamin kag former Department of Education Usec. Trygve Olaivar.
Suno naman kay David San Juan sang Kilusang Bayan Kontra Kurakot, nangin limitado lamang ang imbestigasyon sang Independent Commission for Infrastructure.
Pahayag niya, wala natumod sa imbestigasyon ang matuod nga ‘mastermind’ kag wala man sang napapreso nga mga matag-as nga opisyal kalakip na ang mga yara sa Palasyo sang Malakanyang.
