Aprubado na ni President Ferdinand Marcos Jr. ang ginaduso nga price cap nga P50 per kilo para sa imported rice.
Natalana pa lamang nga ipagwa sang presidente ang executive order.
Suno kay Marcos sa iya video message kagab-i, ginrekomendar sang National Price Coordinating Council (NPCC) ang price cap, kag gin-aprubahan niya ini bangud indi sini gusto suno sa iya nga magtimbuok ang presyo sang mga pagkaon kasunod sang pagpanglakaak man sang presyo sang gatong.
Ang ginduso sang NPCC ang kabahin sang tikang sang gobyerno nga mapahagan-hagan ang epekto sang gyera sa Middle East.
Ginpahat-pahat naman ni Marcos ang mga ginahimo sang iya administrasyon lakip na ang pagpasangkad sang P20 rice program.
Ginpadayaw sini nga masobra 4-million ka mga mangunguma kag manugpangisda ang natalana nga makabaton sang tag-P2,325 nga bulig sa Abril halin sa Presidential Assistance to Farmers, Fisherfolk, and Families.
Ihatag man ang fuel subsidy sa 40,000 farmers, samtang halos 100,000 fuel cards kag fuel vouchers naman ang ihatag sa mga manugpangisda.
Gindugang sang presidente nga nagapabilin nga estable kag nagasunod gihapon sa current suggested retail price (SRP) levels ang presyo sang basic necessities and prime commodities.
