Ginpatawag sang House Justice Panel si Ombudsman Jesus Crispin Remulla agud magtestigo sa nagapadayon nga hearing sang impeachment complaint batok kay Vice President Sara Duterte.
Sa ginpagwa nga subpoena, ginmanduan si Remulla nga magtambong sa hearing sa Abril 14, alas-10 sang aga, sa House of Representatives sa Quezon City.
Ginmanduan man ini nga dal-on ang mga Statement of Assets, Liabilities and Net Worth (SALN) ni Duterte halin sang 2007 tubtob 2013, 2016 tubtob 2022, kag 2022 tubtob 2025.
Suno sa komite, ginapangayo ang mga dokumento agud nga mabusisi ang gin-deklarar nga manggad sang Bise Presidente halin sang iya pagsugod sa serbisyo tubtob subong.
Ginpahanugutan man si Remulla nga mag-dala sang abogado.
Sa matandaan, kabahin ini sang pagtalakay sa duha ka pending nga impeachment complaint batok kay Duterte, nga nagaangot sa mga alegasyon sang sala nga paggamit sang confidential funds.
