Ginabulubanta nga makalab-ot sa P170 bilyon kada tuig ang mahimo madula nga kita sang gobyerno kun kuhaon ang Value Added Tax (VAT) sa mga produktong petrolyo.
Ini ang ginpahayag ni Department of Energy (DOE) Secretary Sharon Garin sa ila hearing kahapon nga adlaw.
Apang, ginpahayag ni Garin nga ang nasambit nga kantidad mahimo pa magbag-o depende sa hulag sang presyo sang langis kag sa pamaagi sang ipatuman nga polisiya, kon ini bala sa pump price, importasyon, ukon sa bilog nga supply chain.
indugang niya nga ang VAT ginapahamtang suno sa layi ukon National Internal Revenue Code, gani indi ini basta-basta makuha sang ehekutibo.
Suno sa iya, kinahanglan pa sang nagakaigo nga mga tikang halin sa Kongreso paagi sa pag-amyenda sa mga layi sa karong agud dalayong nga madula ang VAT sa produktong petrolyo.
Sa subong, ginahulat pa ang sabat ni President Ferdinand Marcos Jr. nahanungod sa rekomendasyon sang DBCC may kaangtanan sa excise tax sa langis.
