Naglapaw sa $100 per barrel ang global oil prices matapos ginmanduan ni US President Donald Trump ang Navy nga balabagan ang mga barko nga magalabay sa Strait of Hormuz.
Nagtaas sang 8% kag nagdangat sa $104 ang Brent crude nga amo ang international benchmark. Nagsaka naman sang 8% ang US crude kag lab-ot na sa $104.
Ang tikang sang U.S. ang ginalantaw nga maga-disrupt na naman sang global oil supplies.
Ang anunsyo ni Trump ang natabo matapos napaslawan ang Iran kag Estados Unidos nga makalab-ot sa kasugtanan sa ila high-level delegation talks sa Pakistan.
Ginpanindugan naman sang Iran nga ila pwersa ang nagakontrol sa amo nga Strait — ang alagyan sang one fifth sang langis nga gina-suplay sa kalibutan.#
