Gin-aprubahan sang House Justice Committee ang mosyon ni Rep. Leila de Lima nga mag-isyu sang subpoena ad testificandum nga nagamandu kay former Sen. Antonio Trillanes IV nga magtambong sa masunod nga hearing sang panel.
Gina-require man si Trillanes nga magpasa sang mga dokumento nga may kaangtanan sa mga reklamo batok kay Vice President Sara Duterte.
Natalana ang masunod nga hearing sa Abril 22.
Matandaan nga sang congressional hearing sang 2024, gin-alegar ni Trillanes nga masobra sa P2.4 billion ang ginsaylo sang Davao businessman nga si Sammy Uy sa accounts sang Vice President, sa iya mga utod, kag kay Honeylet Avanceña halin sang 2007 tubtub sang 2015.
Gin-alegar man ni Trillanes nga ang former member sang Davao Death Squad nga si retired policeman Arturo Lascañas ang nag-claim nga si Uy ang kabahin sang sindikato sang droga kaupod kanday Michael Yang kag Charlie Tan.
