Ginbasura sang House Justice Committee ang motion nga buksan ang green BIR box nga nagaunod sang income tax returns ni Vice President Sara Duterte, amo man sang iya bana nga si Atty. Manases Carpio, kag sang ila nga business interests.
Anom lang ka mga myembro ang nagboto pabor samtang 38 naman ang nagkontra, wala sang abstentions, kag gin-reject ang motion.
Isa sa mga nagpabor nga buksan amo ang Ilonggo nga si House Senior Deputy Majority Leader Nonoy Defensor.
Nanindugan si Defensor nga ang kapaslawan nga buksan ang box ang kaangay nga pagtraidor sa pagsalig sang publiko.
Wala naman nagpabor si Iloilo 1st District Rep. Janette Garin nga buksan ang BIR Box.
Sa iya statement, ginsiling ni Garin nga indi sakop sang ila otoridad ang pagbukas sang amo nga mga dokumento.
Dugang pa niya, , dapat mangin mahinalungon sila sa ila ginahimo subong nga mga tikang bangud posible nga mauyang lang ang tanan nila nga gin-umpisahan para sa sini nga impeachment kontra kay VP Sara.
