Arestado sang otoridad ang isa ka 19-anyos nga Criminology student matapos ang entrapment operation kaangot sa ginaalegar sextortion kag pagpalapta sang sensitibo nga video sang isa ka menor-de-edad sa Brgy. Aguado, Trece Martires City, Cavite.
Ang suspek amo si alyas “Joseph,” residente amo nga lugar.
Ginpahayag nga nagdangop sa Provincial Intelligence Unit ang iloy sang menor-de-edad nga biktima kaupod ang iya anak para magpasaka sang reklamo.
Sa pahayag sang biktima, ginapilit siya sang suspek nga makigkita kag magpakighilawas para indi sini pagpalapta ang ila pribado nga video.
Gilayon nga nagplano sang entrapment operation ang otoridad nga nagresulta sa pag-aresto sa suspek.
Nagapangatubang ini subong sang kaso nga paglapas sa RA 10175 ukon Anti-Cybercrime Prevention Act of 2012, RA 9995 ukon Photo and Video Voyeurism Act, kag RA 7610 ukon Special Protection of Children Against Abuse, Exploitation and Discrimination Act.
