Nagapati si Akbayan Party-list Rep. Perci Cendaña nga malikawan kuntani ang komosyon kag drama nga nagakatabo sa Senado kun may ara na sang Anti-Political Dynasty Law sa pungsod.
Ini ang nangin manifestation ni Cendaña sa deliberasyon sang Anti-Political Dynasty Bill sa plenaryo kahapon nga adlaw, Mayo 20.
Suno pa kay Cendaña nga ang nagluntad nga komosyon kag insidente sang lukpanay sa Senado sang Mayo 13 ang mahimo kuntani malikawan kun wala nakasentro sa pila lamang ka mga apelyido ang gahum sa gobyerno.
Suno pa sa iya, nagaresulta sa pabag-o bag-o ang sitwasyon sa demokratiko nga institusyon kaangay sang Senado kun ang pulitika may ara sang personal nga interes kag alyansa sang mga pamilya imbes nga prinsipyo, integridad kag kaayuhan sang pumuluyo ang dapat nga kuntani ang unahon.
