Nagmando ang International Criminal Court (ICC) sang panibag-o nga medical examination kay Anay President Rodrigo Duterte agud mahibaluan kun kaya pa sini nga mag-atubang sa trial sini may kaangtanan sa kaso nga crimes against humanity.
Sa ginhiwat nga una nga status conference kahapon nga adlaw, Mayo 27, nagpahayag si Joanna Korner sang ICC Trial Chamber III nga liwat nga usisaon ang kondisyon ni Duterte matapos nag-file sang mosyon ang kampo sini.
Suno sa depensa, ang una nga medical assessment para lamang sa confirmation of charges proceedings kag indi para sa mismo nga trial.
Nagpahayag si Korner nga posible nga gilayon nga magpagwa sang mando ang korte para sa panibag-o nga medical examination agud makakuha sang updated nga report nahanungod sa kondisyon sang ikaayong lawas sang anay Presidente.
Suno kay Korner, importante nga mahibaluan anay ang matuod nga kondisyon ni Duterte ilabi na sa iya nga ikaayong lawas.
