Gindayon subong nga aga sang Senate Blue Ribbon Committee nga ginapamunuan ni Sen. Pia Cayetano ang hearing angot sa flood control scandal.
Ini apisar ginpahayag ni Senate President Pro Tempore Sherwin Gatchalian nga wala sang nakatalana nga hearing ang Blue Ribbon Committee subong nga Hunyo 4, 2026.
Suno kay Gatchalian, mismo si Sen. Erwin Tulfo nga amo ang bag-o nga chairperson sang Blue Ribbon Committee, ang nag-anunsyo nga wala sang hearing subong nga adlaw kag gintalana ini sa Lunes.
Matandaan nga kahapon, gin-elihir ang bag-o nga mga pinuno sang mga Senate committees matapos ginbakante ini kasunod sang natabo nga sesyon matapos nalab-ot ang quorum bangud sa pagtambong ni Sen. Chiz Escudero.
Apang ang bag-o nga mga committee chairmanships halin sa grupo ni Sen. Tito Sotto ang wala ginakilala sang grupo nanday SP Cayetano.
