Pagahiwaton na sa Agosto 29 subong nga tuig ang special elections sa naga-isahanon nga distrito sang Dasmariñas, Cavite.
Ini amo ang base mismo sa ginpaguwa nga impormasyon sang Commission on Elections (Comelec) subong nga adlaw.
Suno kay COMELEC Chairman George Erwin Garcia, kinahanglan gid nga makapatigayon sang special elections agud nga mapun-an ang bakante nga pwesto sa Kamara matapos nga ginpahalin sa House of Representatives ang anay kongresista nga si Kiko Barzaga.
Ginpakigbahin man ni Garcia nga nagpadala man siya sang sulat kay President Ferdinand Marcos Jr. nahanungod sa patigayunon nga eleksyon.
Ini bangud nga nagakinahanglan ang COMELEC sang P191 Million agud mapatigayon ang nasambit nga aktibidad.
