Nakabawi na ang Espanya kag nabulsa ang ila una nga kadalag-an sa FIFA World Cup 2026 paagi sa paglutos sa Saudi Arabia, 4-0.
Tatlo sa ila goals ang na-rekord sa una nga 24 nga minutos pa lamang sang hampang sa Group H nga nagtakop 2:00 subong nga kaagahon (PST).
Ang imbukada nga naka-goal para sa Euro 2024 champions kag 2010 World Cup winner amo ang 18-anyos nga superstar nga si Lamine Yamal nga amo pa lamang naka-recover sa ginsuprer nga hamstring injury.
Nagapangaduha siya sa football legend nga si Pele (17-anyos) sa pinakabata nga naka-score sang opening goal sa isa ka hampang sa World Cup.
Sunod nga naka-score para sa Spain amo si Mikel Oyarzabal. Nahimo niya ini sa duha ka beses sa ika-21 kag ika-24 nga minuto.
Sa temprano naman nga bahin sang second half, nangluya na ang kasumpong sang nagsulod sa ila kaugalingon nga net ang bola sang Saudi defender nga si Hassan Al-Tambakti. Natabo ang own goal sa 49th minute nga nagdugang pa sang isa sa score sang Spain.
Matandaan nga antes ini nga matchup sa NRG Stadium sa Houston, Texas, nagtakop sa 0-0 draw ang hampang sang Spain batok sa debutant nga Cape Verde.
Sunod nga magaatubangay sa Group H ang Cape Verde kag ang former World Champion nga Uruguay 6:00 subong nga aga oras sa Pilipinas.
