Natabo subong nga aga ang isa sa pinakadaku nga upset sa recent history sang FIFA World Cup matapos ginlutos sang Paraguay ang four-time champions nga Germany paagi sa penalties.
31 ka pwesto nga mas mataas ang Germany sangsa Paraguay sa world rankings sang FIFA, apang ginbubo sang Paraguayans ang ila bug-os nga pwersa agud maglab-ot ang hampang sa penalty shootout nga nagtakop sa score nga 4-3.
Antes sa penalties, naubos anay ang 90 minutos nga stoppage time kag ang extra time nga 1-1 gihapon ang score sang duha ka teams.
Sa extra time, naka-goal pa ang Germany halin sa corner apang ginbawi matapos ang VAR review kasunod sang foul sa keeper sang Paraguay.
Si Kai Havertz nga amo ang nagbulig tib-ong sa Arsenal para matapos ang 22 ka tuig nga paghulat sa English Premier League title subong nga season amo ang una nga nagsipa sa shootout apang wala nakasulod nga naghatag sang daku nga momentum para sa Paraguay.
Ini nga kalutusan ang ginakabig pinakadaku nga upset sa World Cup knockout football nga labaw pa sa isa man ka kalutusan sang Germany sang 1994. Sang amo nga tion, ginlutos sang Bulgaria ang defending champions sa quarterfinals, 2-1.
Sunod nga atubangon sang Paraguay sa Round of 16 ang magadaog sa tunga sang France kag Sweden.
