Gindeklarar sang World Health Organization (WHO) nga natapos na ang hantavirus outbreak nga naangot sa cruise ship nga MV Hondius.
Ini matapos nga nakumpleto na ang quarantine sang katapusan nga identified contact sang exposed individual. Suno sa WHO, nag-negatibo ini sa virus.
13 ka tawo ang na-infect kag tatlo ang napatay bangud sa amo nga outbreak kun sa diin ang involved amo ang Andes virus. Makita ini sa Latin America kag amo lamang nga hantavirus nga kilala nga mahimo nga mapasa halin sa isa ka tawo pakadto sa iban pa nga tawo ukon limited human-to-human transmission.
Matandaan nga may 38 Filipino crew members sa amo nga barko kag lunsay kumpirmado nga negative sa virus matapos naka-kumpleto sang quarantine sa Netherlands.
Ang hantavirus amo ang isa ka grupo sang virus nga ginadala sang mga ilaga kag iban pa nga rodents kag mahimo magresulta sang tuman nga sakit sa tawo. Mahimo ini makuha paagi sa pagdapat ukon contact sa infected nga ilaga, ila nga ihi, higko, ukon laway.
Sa nagligad nga mga outbreak, ang paglapta halin sa tawo pakadto sa tawo may koneksyon sa malawig kag malapit nga kontak sa sulod sang panimalay, intimate partners, kag healthcare workers.#
 nga natapos na ang hantavirus outbreak nga naangot sa cruise ship nga MV Hondius.){kind=link}