Nagapati si Palace Press Officer Undersecretary Claire Castro nga maayo gid nga mag-atubang si Vice President Sara Duterte sa paalabuton sini nga impeachment trial sa Hulyo 6.
Suno sa iya, ini agud mabatian ang kapasidad ni Duterte nga sabton ang mga alegasyon batok sa iya agud man nga direkta ini nga mapamangkut sang korte ilabi na sang mga testigo nahanungod sa mga panumbungon batok sa iya.
May kaangtanan ini sa posibilidad nga indi magpakita sa trial ang bise presidente ilabi na nga ginapahanugutan man nga defense team lang sini ang magarepresentar para sa iya.
Sa subong, wala pa nakahatag sang kumpirmasyon ang kampo ni Duterte kun magatambong gid man ini sa nasambit nga trial.
Ginhangkat man ni Castro ang mga abogado ni Duterte nga engganyuhon ang bise presidente nga isa man ini sa magdepensa sa iya kaugalingon kun sigurado ini nga inosente sya sa mga akusasyon.
Madumduman nga magasugod ang impeachment trial batok kay Vice President Sara alas-2 sa hapon sa lunes nga adlaw, Hulyo 6, kun sa diin pagadiskusyunan ang impeachment charges sa iya kaangay sang graft and corruption, betrayal of public trust, bribery, kag iban pa.
