Ginkaakig sang Egyptian team ang pila sa mga desisyon sang referee kadungan sang hampang sang Argentina kag Egypt sa Round of 16 sang World Cup 2026 nga nagresulta sa 3-2 comeback win sang reigning champions.
Lakip sa ginreklamo ni head coach Hossam Hassan amo ang kuntani ikaduha nga goal sang Egypt nga gin-disallow kasunod sang video assistant referee check.
Gina-insister man sini nga kuntani nahatagan sang tion ang Egypt para sa penalty sa stoppage time antes ang pangatlo nga goal sang South American team nga nahimo paagi sa header ni Enzo Fernandez.
Ginasinggitan pa ni Hassan nga wala sang hustisya sa kumpetisyon kag daw nagaguwa suno sa iya nga gusto sang FIFA nga ipabilin sa hampang si Lionel Messi, ang 39-anyos nga football superstar nga captain sang Argentina.
“Perhaps they wanted to keep the world champions in the competition? Perhaps they wanted (Lionel) Messi to stay in the running? I told the referee that what was happening wasn’t fair. It’s an undeserved victory for Argentina. Once I’m back in my country and at home, I’ll never watch the World Cup again, because there’s no justice in this competition,” suno kay Hassan.
Ginsuportahan man sang goalscorer sang Egypt nga si Ziko ang sentimyento sang ila coach.
Para sa iya, ginhimo man nila ang tanan agud magdaog apang nauyang ang ila paninguha bangud sa referee. Gin-akusaran man sini ang FIFA nga nagatuyo gid nga ipaangkon liwat sa Argentina ang kampyonato.
“It was not fair from the referee. It was really not fair, that was very clear. He wasted all of our efforts with his decisons. We were leading 2-0 and we cannot do anything, it’s all up to God,” suno kay Zico.
“We are so sorry (to the people of Egypt). I am so sorry. We wanted to make you all happy. It was not in the cards. It was the referee. The cup is directed towards Argentina,” dugang sini.
COMEBACK WIN
Nahimo sang Argentina ang ila comeback sa sulod lamang sang nagahinunod nga 13 minutos kag 15 segundos sang hampang.
Sa ika-15 pa lamang nga minuto, naka-score na ang Egypt paagi kay Yasser Ibrahim nga amo ang naghatag sa ila sang momentum.
Matapos ang singko minutos, nasagang sang goalkeeper sang Egypt ang goal ni Lionel Messi via penalty nga amo pa gid ang nagpahugyaw sa Egyptian fans.
Sa pamuno sang second half, naka-goal liwat ang Egypt paagi kay Mostafa Zico sa counterattack, apang ginbawi ukon gin-disallow bangud pagkatapos sang review sa VAR, nakit-an nga gin-foul ni Haissem Hassan si Lisandro Martinez.
Nag-goal liwat si Mostafa Ziko sa ika-67 nga minuto sang matchup nga amo ang nagpasaka sa score sa 2-0.
Maluya pa gid gihapon ang hampang sang team ni Lionel Scaloni sa temprano nga bahin sang second half apang nagsugod ang balos sang Argentina sa bullet header ni Christian Romero sa 79th minute.
Sa tion nga labi nga kinahanglan sang iya team, nag-goal man ang captain kag 39-anyos nga superstar nga si Messi sa ika-83 nga minuto nga amo ang nagpatas sang scores sang Pharoahs kag Albiceleste.
Dalayon nga naselyuhan ang kadalag-an sang South American team sa ika-92 nga minuto ukon duha ka minuto sa stoppage time paagi sa header ni Enzo Fernandez.
Ini ang ikaduha nga tion sa knockout stage nga nabutang sa alang-alang nga sitwasyon ang Argentina apang nakaluwas gihapon.
Sa Round of 32, matandaan nga nagdangat man sa extra time ang hampang sini batok sa debutant nga Cabo Verde, apang nagtakop man sa 3-2.
