Ginbawian gid sang kabuhi ang isa ka manugbaligya sang karne matapos maaksidente sa motorsiklo sa Brgy. Mansilingan, Bacolod City.
Ang biktima amo si Leo Gentelozo, legal ang edad, residente sang Purok Guanzon sa amo nga barangay.
Sa inisyal nga imbestigasyon sang Traffic Enforcement Unit sang Bacolod City Police Office, si Gentelozo ang nagamaneho sang RUSI Bolt 125 nga motorsiklo sang aksidente nga ginlamon sang kadena sang motorsiklo ang iya nga jacket kag natumba.
Naabtan sang kapulisan nga nagahigda sa kilid sang iya motorsiklo ang biktima.
Ginhingagaw pa sang Rescue Ambulance sang Barangay nga madala sa ospital apang ini ang wala na natabangan pa.
