Ginpamangkot ni Senator-Judge Robin Padilla si National Bureau of Investigation (NBI) Bangsamoro Regional Director Atty. Jeremy Lotoc may kaangtanan sa iya mga assignment kag promosyon sa sulod sang ahensya.
Ginkwestyon ni Padilla kon promosyon bala ang pag-assign kay Lotoc bilang regional director sa Bangsamoro Autonomous Region in Muslim Mindanao ukon BARMM.
Ginpasabat man sini si Lotoc kun matuod bala nga ginatawag siya nga “golden boy” sang NBI.
“Yun po ba ay isang promosyon sa inyo na madala sa BARMM dahil totoo po ba na kayo ang tinatawag na ‘golden boy’ ngayon sa NBI?” suno kay Padilla.
Sabat naman ni Lotoc: “I cannot comment on that po, Your Honor.”
Gin-usisa man ni Padilla kon ngaa sa BARMM siya gin-assign kag kon may yara bala siya sang ihibalo ukon background may kaangtanan sa Islam.
Sabat ni Lotoc, wala siya makahibalo kon ano ang nangin basehan sang direktor sa iya assignment.
“Bakit po kaya naisip ng director na sa BARMM po kayo? Kayo po ba ay may kaalaman sa Islam?” suno kay Padilla nga isa ka Muslim.
“Hindi ko po alam ano ang naging basis ng director,” sabat liwat ni Lotoc. Kahit naman ho sino pwedeng i-assign kahit saang regional office dito sa Pilipinas.”
Si Lotoc amo ang nangin pinuno sang Cybercrime Division kag nagpanguna sa imbestigasyon sa pahayag ni Vice President Sara Duterte nga pananglitan may matabo sa iya, may nakontrata na siya nga tawo agud nga patyon man ang president, ang first lady, kag ang first lady.
Siya ang ikaduha nga witness nga ginpresentar sang prosekusyon sa impeachment court.#
