Gin-anunsyo sang Philippine Eagle Foundation (PEF) nga nagtaliwan na ang agila nga si Sawaga-Dalwangan kahapon nga adlaw, samtang yara ini sa idalom sang rehabilitation sa Philippine Eagle Center sa Davao City.
Ang nasambit nga pispis ang narescue sa nabukid nga bahin sang Bukidnon matapos ini nga nakit-an nga gin-atake sang mga amo.
Apisar sang madasig sini nga recovery matapos nga ginrescue, nakaagum ang agila sang pila ka medical condition kag wala na gid natigayon nga masalbar.
Nagpabutyag man sang kasubo ang Foundation sa kamatayon ni Sawaga-Dalwangan, apang ginakabig man nila ini nga isa ka leksyon agud nga mas mangin mayo pa ang paghalong sang publiko sa mga sapat kaangay sang Philippine eagle nga ginakabig isa sa mga critically endangered species.
Nagapasalamat man sa gihapon ang PEF sa rescuer sang agila nga si Marven Linoy kag sa mga kaupod sini, Department of Environment and Natural Resources (DENR), Malaybalay City Government, Provincial Zoo, kag iban pa nga mga nagbulig sa pagrescue kay Sawaga-Dalwangan.
