Ginaduso ni Mamayang Liberal Partylist Rep. Leila de Lima nga mahatagan sang maayo nga kinamatarong ang mga ambulant vendors sa pungsod.
Ini pinaagi sa proposed House Bill No. 10043 nga nagatuyo nga libre nga marehistro ang mga bolantero sa pungsod agud mahatagan ang mga ini sang mas maayo nga lugar kun sa diin sila makabaligya.
Luyag man ni De Lima nga makaagum ang mga nasambit nga vendors sang social security, health care, kag sang insurance para sa ila kaugalingon.
Gin-adaptar man sini ang House Bill No. 11337 nga gin-aprubahan sang Kamara sa 19th congress kag ang Senate Bill 1099 nga ginfile ni Senate President Win Gatchalian sa 20th congress agud man nga malikawan ang mga indi mayo nga pagtratar sa mga manugbaligya.
Madumduman nga diri sa siudad sang Iloilo, padayun sa gihapon ang isyu sa mga bolantero bangud sa pila ka mga pagsulundan sang Iloilo City Government kun sa diin apektado ang mga market kag ambulant vendors, apisar nga may ara na sang ginhatag nga Market Day kag Night Market para sa mga ini.
