Indi na pagpadayunon ni anay Senador Antonio “Sonny” Trillanes IV ang pagpasaka sang kaso batok sa apat ka miyembro sang ginatawag nga “Maleta Boys” matapos nila bawi-on ang ila mga alegasyon batok sa iya.
Suno kay Trillanes, ginmanduan na niya ang iya mga abogado nga i-withdraw ang mga kaso batok sa apat ka indibidwal.
Ang apat amo ang ginaalegar nga anay mga security personnel ni anay Rep. Zaldy Co nga nag-recant ukon nagbawi sang ila mga pahayag nga nag-akusar sa pila ka politiko nga nakabaton sang mga maleta nga may sulod nga kwarta bilang kickback sa kuwestiyonable nga flood control projects.
Una man nila gin-claim nga sila ang nagdala sang kwarta para sa mga imbestigador sang International Criminal Court ukon ICC paagi kay Trillanes rason nga nagpasaka ang former senator sang cyber libel cases batok sa ila.
Samtang, nagpahayag si Trillanes sang simpatiya sa apat.
“Bilang dating sundalo, nagsisimpatya ako sa pinagdadaanan nila na dahil sa kawalan ng kabuhayan ay pinagsamantalahan sila ng mga taong may madilim na layuning political. Sana ay may natutunan silang mabigat na leksyon sa mga pangyayaring ito,” suno sa anay opisyal.
Naglaum man ini nga makatuon sang daku nga leksyon ang mga ex-soldiers sa natabo.
“Umaasa rin ako na maliliwanagan din ang iba pang ex-soldiers na hanggang ngayon ay nililinlang pa rin,” dugang sini.
Kagab-i sang ginsapubliko ang desisyon sang apat ka alleged ex-bagmen nga mag-retract sa ila nauna na nga ginsumpaan nga pahayag.
