Nakuha sang Alas Pilipinas women’s volleyball team ang ila labing una nga silver medal sa SEA V Cup.
Ini matapos ginlutos sang mga ini ang Indonesia sa score nga 25-13, 23-25, 25-19, 33-31, sa second leg sang tournament sa Chiang Mai, Thailand.
Ginakabig ang ini nga kadalag-an bilang redemption para sa Alas Pilipinas matapos sila napierde sang Indonesia sa first leg sa Vietnam, kun sa diin nakakuha ang Pilipinas sang ika-apat nga sunod-sunod nga bronze medal.
Nangin dako ang kontribusyon nanday Bella Belen, Alyssa Solomon, kag Eya Laure sa maayo nga performance sang Pilipinas.
Ang silver-medal finish amo ang maayo nga resulta sang Alas Pilipinas sa SEA V Cup halin sang nagsugod ini nga kompetisyon sang 2019.
Ini nga kadalag-an naghatag man sang kumpiyansa sa koponan antes sila mag-upod sa Asian Games sa Japan.
